மேட்டுப்பாளையம்: சத்ய சாய் பாபாவின், 96 ஜெயந்தியை முன்னிட்டு, மேட்டுப்பாளையத்தில் சாய்பாபா ஜெயந்தி விழா நடந்தது. மேட்டுப்பாளையம், அன்னபூரணிபேட்டையில் சத்ய சாய் சேவா சமிதி உள்ளது. சாய்பாபாவின், 96 ஜெயந்தியை முன்னிட்டு, நேற்று சேவா சமிதியில் சிறப்பு பூஜையுடன் கொடியேற்றம் நடந்தது. அதைத் தொடர்ந்து சிறப்பு பூஜைகள் நடந்தன. சமிதியை சுற்றியுள்ள மக்களுக்கு இலவச வேஷ்டி, சேலை வழங்கப்பட்டது. மதியம் திம்மம்பாளையத்தைச் சேர்ந்த பழங்குடி மக்களுக்கு, துணிகளும், அன்னதானமும் வழங்கப்பட்டன. பின்பு மதியத்திலிருந்து மாலை, 7:00 மணிவரை, 96 பஜன் பாடல்கள் பாடப்பட்டன. பின்பு சிறப்பு ஆரத்தியுடன் ஜெயந்தி விழா நிறைவடைந்தது.