செஞ்சி: செஞ்சி அருணாச்சலேஸ்வரர் கோவிலில் ஆருத்ரா தரிசனத்தை முன்னிட்டு சிறப்பு அபிஷேகம் நடந்தது. செஞ்சி பீரங்கிமேடு அபித குஜலாம்பாள் சமேத அருணாசலேஸ்வரர் கோவிலில் திருவாதிரையை முன்னிட்டு ஆருத்ரா தரிசன விழா நடந்தது. அதிகாலை 4 மணிக்கு துவங்கி 6 மணி வரை சிறப்பு அபிஷேகமும் நடந்தது. 7 மணிக்கு சிறப்பு அலங்காரமும், மகாதீபாராதனையும் நடந்தது. இதில் செஞ்சி திருமுறைக் கழகத்தினர், அருணாச்சலேஸ்வரர் கோவில் நிர்வாகிகள் கலந்து கொண்டனர்.