ராமேஸ்வரம்: ராமேஸ்வரம் ராமநாதசுவாமி கோயிலில் உண்டியல் காணிக்கையாக ரூ.1.09 கோடி கிடைத்தது.

ராமேஸ்வரம் திருக்கோயிலில் 60 நாட்களுக்கு பின் நேற்று கோயிலில் சுவாமி, அம்மன் சன்னதி, பஞ்சமூர்த்திகள் சன்னதி முன்புள்ள உண்டியல்கள் திறக்கப்பட்டு கோயில் இணை ஆணையர் பழனிக்குமார் முன்னிலையில் திருக்கல்யாண மண்டபத்தில் காணிக்கைகள் எண்ணப்பட்டது. இதில் ரொக்க பணம் ஒரு கோடி 9 லட்சத்து 38 ஆயிரத்தி 373 ரூபாயும், தங்கம் 90 கிராம், வெள்ளி 3 கிலோ 500 கிராம் காணிக்கையாக கிடைத்தது. இதில் கோயில் மேலாளர் சீனிவாசன், உதவி கோட்ட பொறியாளர் மயில்வாகனன், பேஸ்கார்கள் கமலநாதன், முனியசாமி, பலர் காணிக்கையை எண்ணினார்கள்.