சபரிமலை: சபரிமலையில் நேற்று நடைபெற்ற சித்திரை விஷூ கனி தரிசனத்தில் திரளான பக்தர்கள் கலந்து கொண்டு சாமி தரிசனம் செய்தனர். சித்திரை விஷூ திருவிழாவுக்காக சபரிமலை நடை கடந்த 10–ம் தேதி மாலை திறந்தது. 11–ம் தேதி முதல் வழக்கமான பூஜைகளும், உதயாஸ்தமன பூஜைகளும்., படி பூஜையும் நடைபெற்று வருகிறது. சித்திரை விஷூ நேற்று கொண்டாடப்பட்டது. இதற்காக நேற்று முன்தினம் இரவு ஐயப்பன் விக்ரகம் முன்பு மலர்கள் மற்றும் காய் கனிகளால் அலங்கரிக்கப்பட்டு நடை அடைக்கப்பட்டது. நேற்று அதிகாலை 4:00 மணிக்க நடை திறந்ததும் கனி தரிசனம் நடைபெற்றது. தேவசம்போர்டு நிர்வாகிகளும், பக்தர்களும் கனி தரிசனம் நடத்திய பின்னர் தந்திரி கண்டரரு மகேஷ் மோகனரரு, மேல்சாந்தி பரமேஸ்வரன் நம்பூதிரி ஆகியோர் பக்தர்களுக்கு நாணயங்களை கைநீட்டம் வழங்கினர். நேற்று அதிகாலை முதல் சபரிமலையில் பக்தர்கள் கூட்டம் அலைமோதியது. பக்தர்கள் நீண்ட வரிசயைில் நின்று 18 படிகளில் ஏறிசென்று தரி்சனம் நடத்தினர். வரும் 18–ம் தேதி இரவு 10.00 மணிக்க நடை அடைக்கப்படும்.