சமூகத்திற்கு ஒரு நல்லவர் கிடைத்திருக்கிறார் என்றால், அவருக்கு பின்னால் பொறுப்புமிக்க தந்தையின் தியாகம் இருக்கிறது என்று அர்த்தம். ஒரு நல்ல தந்தை ஆயிரம் ஆசிரியர்களுக்கு சமமானவர். தாயானவள் தன் குழந்தை  அருகிலேயே இருக்க வேண்டும் என்று நினைப்பாள். அது அன்பின் வெளிப்பாடு. அது ஒருபுறம் இருக்க தந்தையோ தன் குழந்தை தன்னைவிட உயர்ந்த நிலைக்கு செல்ல வேண்டும் என்று நினைப்பார். தன் குழந்தை எப்படியாவது முன்னேறிவிட வேண்டும் என்று ஒரு தந்தை பல தியாகங்களை செய்கிறார். அப்படிப்பட்டவருக்கு உரிய மரியாதையை கொடுங்கள்.