உடுமலை : உடுமலை, நேரு வீதியில் காமாட்சியம்மன் கோவில் உள்ளது. இக்கோவிலில், ஸ்ரீ வள்ளி தேவசேனா சுப்ரமணிய சுவாமிக்கு, செவ்வாய்க்கிழமையன்று வரும் சஷ்டியான நேற்றுமுன்தினம், மாலை, 6:00 மணிக்கு, சிறப்பு யாகம், 6 வகையான நைவேத்தியம், ஆறு வகை இனிப்பு, ஆறு வகை கனி வர்க்கம், ஆறு வகை மலர்களால் சிறப்பு அர்ச்சனை நடந்தது.ஆறுமுக பெருமான், பச்சை வஸ்திரம், பச்சை மலர் மாலை என சிறப்பு அலங்காரத்தில் எழுந்தருளி பக்தர்களுக்கு அருள்பாலித்தார். இதில் திரளான பக்தர்கள் கலந்து கொண்டு சுவாமியை வழிபட்டனர்.