கள்ளக்குறிச்சி : கள்ளக்குறிச்சி, சின்னசேலம் பகுதி சிவன் கோவில்களில் மாத சிவராத்திரியுடன் கூடிய திருவாதிரை நட்சத்திர தின சிறப்பு பிரதோஷ வழிபாடு நடந்தது.கள்ளக்குறிச்சி அடுத்த அரியபெருமானுார் ஆத்மநாயகி உடனமர் ஆத்மஞான லிங்கேஸ்வரர் கோவிலில் மாத சிவராத்திரியுடன் கூடிய திருவாதிரை நட்சத்திர தின சிறப்பு பிரதோஷ வழிபாட்டையொட்டி அபிஷேக ஆராதனைகள் மற்றும் பூஜை நடத்தப்பட்டது.

இதேபோல் சாமியார் மடம் செம்பொற்ஜோதிநாதர் கோவில், கள்ளக்குறிச்சி சிதம்பரேஸ்வரர், நீலமங்கலம், கமலாநேரு தெரு ஏகாம்பரேஸ்வரர், ஏமப்பேர் விஸ்வநாதர்.சோமண்டார்குடி சோமநாதீஸ்வரர், முடியனுார், தென்கீரனுார் அருணாசலேஸ்வரர், தண்டலை சுயம்பு நாதேஸ்வரர், கனங்கூர் ராமநாதீஸ்வரர், வரஞ்சரம் பசுபதீஸ்வரர், காரனுார் மீனாட்சி சிதம்பரேஸ்வரர், சடையம்பட்டு கேதாரீஸ்வரர், வடக்கநந்தல் உமாமகேஸ்வரர், ஆலத்துார் திருவாலீஸ்வரர் கோவில்களிலும் பிரதோஷ வழிபாடு தேவாரம், திருவாசகம் பாடி நடந்தது.

சின்னசேலம்: தென்பொன்பரப்பி சொர்ணாம்பிகை சமேத சொர்ணபுரீஸ்வரர் கோவிலில் பிரதோஷ வழிபாட்டையொட்டி மூலவருக்கு சிறப்பு அலங்காரம், நந்தீஸ்வரருக்கு அபிஷேகம் மற்றும் மகா தீபாராதனை நடந்தது.இதேபோன்று, சின்னசேலம் கங்காதீஸ்வரர், ராயர்பாளையம் குமாரதேவர் மடம் பழமலைநாதர், கூகையூர் பெரியநாயகி உடனுறை சொர்ணபுரீஸ்வரர் கோவில்களிலும் சிவராத்திரியுடன் கூடிய திருவாதிரை நட்சத்திர தின சிறப்பு பிரதோஷ பூஜை நடந்தது.