நாகர்கோவில்: நாகர்கோவில் வடிவீஸ்வரம் சிருங்கேரி மடத்தில் சாரதா அம்மாளுக்கு ஆடிப்பூர வளைகாப்பு வைபவம் சிறப்பாக நடைபெற்றது. நேற்று ஆடிப்பூரத்திருநாளை முன்னிட்டு வடிவீஸ்வரம் சிருங்கேரி மடத்தில் சாரதா அம்மாளுக்கு ஆடிப்பூர வளைகாப்பு வைபவம் மிகச் சிறப்பாக நடந்தது. அதைத் தொடர்ந்து முருகப்பெருமானுக்கு அபிஷேகம் நடை பெற்றது. மேலும், திருப்பாவை பாடல்கள் பாடி மகா தீபாராதனை செய்து, பக்தர்களுக்கு வளையல்களும், பிரசாதமும் வழங்கப்ப்பட்டது. இதில் திரளான பக்தர்கள் கலந்து கொண்டு அம்பாளை தரிசனம் செய்தனர். இன்று நடைபெறும் வர்தந்தி மஹோத்சவத்தையொட்டி காலை 5.30 மணிக்கு கணபதி ஹோமம், ஆயுஷ் ஹோமம், மிருத்யுஞ்சய ஹோமம், நவக்கிரக சாந்தி ஹோமம், துர்காசுக்த ஹோமம் நடக்கிறது. தொடர்ந்து, பூர்ணாகுதி, அபிஷேகம், பாத பூஜை , அஷ்டோத்ர அர்ச்சனை, தேவி மஹாத்மியம், பாராயணம் மற்றும்  அன்ன தானமும் நடை பெறுகிறது.