சிங்கம்புணரி: சிங்கம்புணரியில் ஆடிப்பெருக்கையொட்டி பல்வேறு கோயில்களில் அன்னதானம் நடந்தது. சித்தர் முத்துவடுகநாதர் கோயிலில் ஆடிப்பெருக்கு அன்னதானம் நடந்தது. விழாவையொட்டி காலை 11:00 மணிக்கு மலைபோல் குவிக்கப்பட்ட சாதத்தில் வேல் பிரதிஷ்டை செய்யப்பட்டு வழிபாடு நடத்தப்பட்டது. சிறப்பு அலங்காரத்தில் சித்தர் முத்துவடுகநாதர் காட்சி அளித்தார். தொடர்ந்து பக்தர்களுக்கு அன்னதானம் வழங்கப்பட்டது. ஏராளமானோர் பங்கேற்றனர். வேட்டையன்பட்டி காமாட்சி பரமேஸ்வரி அம்மன் கோயில் ஆடித்திருவிழாவையொட்டி நேற்று சிறப்பு பூஜை, அன்னதானம் வழங்கப்பட்டது. சுற்றுவட்டார பகுதியில் சேர்ந்த பல்வேறு இடங்களில் ஆடிப்பெருக்கையொட்டி அன்னதானமும் கோயில்களில் சிறப்பு வழிபாடும் நடந்தது.