நதிகளில் மிகவும் புனிதமானது கங்கை. கங்கை பல இடங்களில் பாய்ந்து சென்றாலும், காசிநகரில்  நீராடுவதை புனிதமாகக் கருதுகின்றனர். இதனால்  பாவம் தீரும் என்பது நம்பிக்கை. கங்கையில் 64 தீர்த்த கட்டங்கள்(படித்துறை) உள்ளன. இங்குள்ள விஸ்வநாதர் கோவில் பல்வேறு படையெடுப் புகளில் அழிக்கப்பட்டது. இப்போதுள்ள கோவில் குவாலியர் மகாராணி அகல்யாபாயால் கட்டப்பட்டது. பஞ்சாப் மன்னர் ரஞ்சித்சிங் தங்கக்கூரை  வேய்ந்தார். காசி, மதுரா, துவாரகை, அயோத்தி, ஹரித்துவார், காஞ்சிபுரம், அவந்திகா என்னும் ஏழு முக்தி (பிறப்பற்ற நிலை) தரும் தலங்களில் காசி  முதன்மையானது. எனவே சிலர் இங்கு தமது கடைசி காலத்தை கழிக்க விரும்புகிறார்கள்.