திருக்கோவிலூர்: திருக்கோவிலூர் உலகளந்த பெருமாள் கோவிலில் புரட்டாசி முதல் தினமான நேற்று ஏராளமான பக்தர்கள் கலந்து கொண்டு வழிபாடு செய்தனர்.

திருக்கோவிலூர் உலகளந்த பெருமாள் கோவிலில் புரட்டாசி மாத முதல் தினமான நேற்று அதிகாலை 5:00 மணிக்கு மூலவர் பெருமாள் விஸ்வரூப தரிசனம், 5:30 மணிக்கு நித்திய பூஜைகள், 7:00 மணிக்கு  திருப்பாவை சாற்றுமரை, 7:30 மணிக்கு ஸ்ரீதேவி பூதேவி சமேத தேகளீச பெருமாள் மூலஸ்தானத்தில் இருந்து புறப்பாடாகி கண்ணாடி அறையில் எழுந்தருளினார். 9:00 மணிக்கு சிறப்பு திருமஞ்சனம்  நடந்தது. மதியம் 1:00 மணிக்கு வேத மந்திரங்கள் முழங்க சுவாமிக்கு திருக்கல்யாண வைபவம் நடந்தது. மாலை 5:30 மணிக்கு மூலஸ்தானத்தில் நித்யான சந்தான சாற்றுமறை 6:30 மணிக்கு ஊஞ்சல்  சேவையில் பெருமாள் பக்தர்களுக்கு அருள் பாலித்தார். இரவு 8:00 மணிக்கு சேவை சாற்றுமறை, பிரசாத விநியோகம் செய்யப்பட்டு சுவாமி புறப்பாடாகி மூலஸ்தானத்தில் எழுந்ததினார். ஏராளமான  பக்தர்கள் நீண்ட வரிசையில் வெகு நேரம் காத்திருந்து சுவாமி தரிசனம் செய்தனர். மாதம் முழுவதும் தினசரி சுவாமிக்கு திருக்கல்யாண வைபவம், மற்றும் சிறப்பு வழிபாடுகள் நடைபெற ஜீயர் ஸ்ரீ  தேகளீச ராமானுஜாச்சாரியார் உத்தரவின் பேரில், கோவில் ஏஜென்ட் கோலாகலன் பற்றும் நிர்வாகத்தினர் விழாவிற்கான ஏற்பாடுகளை செய்து வருகின்றனர்.