உத்தரகோசமங்கை, அக்.24- உத்தரகோசமங்கை மங்களநாதர் சுவாமி கோயிலில் உள்ள பிரதோஷ நந்திக்கு நேற்று சனி பிரதோஷத்தை முன்னிட்டு மாலை 4:30 மணி முதல் 6:00 மணி வரை சிறப்பு அபிஷேக ஆராதனைகள் நடந்தது. ஏராளமான பக்தர்கள் பிரதோஷ பாடல்கள், பஜனை நாமாவளி செய்தனர்.

* சாயல்குடி அருகே மாரியூர் பூவேந்தியநாதர் சமேத பவளநிற வல்லியம்மன் கோயிலில் சனி பிரதோஷத்தை முன்னிட்டு நேற்று மாலையில் நந்தி பகவானுக்கு சிறப்பு அபிஷேக அலங்கார தீபாராதனை நடந்தது. ரிஷப வாகனத்தில் உற்ஸவ மூர்த்தி புறப்பாடு நடந்தது. சுற்றுவட்டார கிராமங்களை சேர்ந்த ஏராளமான பக்தர்கள் சுவாமி தரிசனம் செய்தனர்.

* ரெகுநாதபுரம் வல்லபை ஐயப்பன் கோயிலில் உள்ள சங்கரன் சன்னதி முன்புறமுள்ள நந்திக்கு சிறப்பு அபிஷேக அலங்கார தீபாராதனை நடந்தது. ஏற்பாடுகளை வல்லபை ஐயப்பன் கோயில் சேவை நிலைய அறக்கட்டளையினர் செய்திருந்தனர். *கீழக்கரை மீனாட்சி சொக்கநாதர் கோயிலில் மூலவருக்கு பிரதோஷத்தை முன்னிட்டு சிறப்பு பூஜைகள் நடந்தது. நந்தி பகவானுக்கு அபிஷேக ஆராதனைகள் நடந்தது. ஏராளமான பக்தர்கள் சுவாமி தரிசனம் செய்தனர்.