திருச்சி: ஸ்ரீரங்கம் அருள்மிகு அரங்கநாத சுவாமி திருக்கோயிலில் வரும் கார்த்திகை மாதம் 18ம் தேதி 04.12.2022 (ஞாயிற்றுக்கிழமை) கைசிக ஏகாதசி உற்சவம் நடைபெறுகிறது. முதல் புறப்பாடாக உற்சவர் ஸ்ரீநம்பெருமாள் காலை 10.00 மணியளவில் மூலஸ்தானத்திலிருந்து புறப்பட்டு சந்தனு மண்டபத்தில் திருமஞ்சனம் கண்டருளி மாலை 5.45க்கு மூலஸ்தானம் சென்றடைவார். இரண்டாம் புறப்பாடாக மூலஸ்தானத்தில் இருந்து இரவு 8.30 மணிக்கு புறப்பட்டு அர்ச்சுன மண்டபம் சேர்கிறார்.

அங்கு இரவு 9.30 மணி முதல் 11.30 மணி வரை கைசிக ஏகாதசியின் முக்கிய விழாவான நம்பெருமாளுக்கு 365 வஸ்திரம், வேளையம், கற்பூர ஆர்த்தி சமர்பித்தல் அரையர் சேவையுடன் நடைபெறும். பின்னர், இரவு 11.30 மணி முதல் அதிகாலை 2.00 மணி வரை மிகவும் புண்ணியத்தை தரும் *கைசிக புராண மகாத்மியம்* " ஸ்ரீபட்டர் ஸ்வாமிகளால் வாசிக்கப்படுகிறது. நிகழ்ச்சியின் நிறைவாக *கற்பூர படியேற்ற சேவை* "  05.12.22 அதிகாலை 5.45 மணிக்கு நடைபெறும்.