கும்மிடிப்பூண்டி, பிரம்மா குமாரிகள் சார்பில் ஏற்பாடு செய்யப்பட்டிருந்த, காசி விஸ்வநாதர் தரிசானத்தை ஏராளமானோர் கண்டு தரிசித்தனர்.

பிரஜாபிதா பிரம்மா குமாரிகள் ஈஸ்வரிய விஷ்வ வித்யாலயம் ராஜயோக தியான நிலையம் சார்பில், கும்மிடிப்பூண்டி அடுத்த, ஈகுவார்பாளையம் கிராமத்தில் காசி விஸ்வநாதர் தரிசன நிகழ்வு நடைபெற்றது. அங்குள்ள திருமண மண்டபம் ஒன்றில், காசியில் இருப்பது போன்று தத்ரூபமாக அமைக்கப்பட்ட காசி விஸ்வநாதர் லிங்கம் அமைக்கப்பட்டிருந்தது. மூன்று தினங்களான நடந்த இந்த நிகழ்வு, நேற்றுடன் முடிவு பெற்றது. நேற்று, சிவராத்திரி என்பதால், ஏராளமான மக்கள் தரிசித்தனர். காசி விஸ்வநாதர் தரிசனத்துடன் ஆன்மிகம், தியானம், ஆத்மா தொடர்பாக பட விளக்கம், செயல் முறை மற்றும் திரை விளக்கங்கள் தொகுத்து வழங்கப்பட்டன.