சூலூர்: மாசி மாத பவுர்ணமியை ஒட்டி, சூலூர் வட்டார கோவில்களில் சிறப்பு பூஜைகள் நடந்தன.

மாசி மாத பவுர்ணமியை ஒட்டி, சூலூரில் உள்ள அம்மன் கோவில்களில் சிறப்பு அபிஷேக, அலங்கார பூஜைகள் நடந்தன. காடாம்பாடி சாந்த சிவ காளியம்மன் கோவிலில் அபிஷேக, அலங்கார பூஜைக்குப் பின் சிறப்பு அலங்காரத்தில் அம்மன் பக்தர்களுக்கு அருள்பாலித்தார். சின்னியம்பாளையம் கணபதீஸ்வரர் கோவில், கருமத்தம்பட்டி விராலிக்காடு சென்னியாண்டவர் கோவில், சூலூர் சிவன் கோவில் உள்ளிட்ட பல கோவில்களில் நடந்த பவுர்ணமி பூஜையில் ஏராளமான பக்தர்கள் பங்கேற்று வழிபட்டனர். ராமாச்சியம்பாளையம் மாகாளியம்மன் கோவிலில், நேற்று முன்தினம் விநாயகர் மற்றும் கருப்பராயன் பொங்கல் பூஜை நடந்தது. சுற்றுவட்டாரத்தை சேர்ந்த ஏராளமான பக்தர்கள் பங்கேற்று வழிபட்டனர்.