திருக்கோஷ்டியூர்: திருக்கோஷ்டியூர் பூமி நீளா சமேத சவுமியநாராயணப் பெருமாள் கோயில் கும்பாபிஷேகம் மார்ச் 27ல் நடைபெறுகிறது. யாக சாலை பூஜைகள் மார்ச் 23ல் துவங்குகிறது.

சிவகங்கை சமஸ்தானத்தைச் சேர்ந்த இக்கோயிலில் தங்க விமானத் திருப்பணி தனியாகவும், கோயில் பிற திருப்பணிகள் தனியாவும் நடக்கிறது. அதில் முதல் கட்டமாக கோயில் திருப்பணி மார்ச் 27ல் நடைபெறுகிறது. மார்ச் 23 காலை 10:15 மணிக்கு யாக சாலை பூஜைகள் துவங்குகிறது. மாலையில் கலசங்கள் ஸ்தாபிக்கப்பட்டு இரவில் பூர்ணாகுதி தீபாராதனை நடைபெறும். தொடந்து 5 நாட்களில் எட்டு கால யாக பூஜைகள் நடைபெறும். மார்ச் 27ல் காலை 9:38 மணி முதல் 10:32 மணிக்குள் ராஜகோபுரம், விமானங்கள், சன்னதிகளில் கும்பாபிஷேகம் நடைபெறுகிறது.