ஊட்டி: ஊட்டியில் மாரியம்மன் பூச்சொரிதல் நிகழ்ச்சியுடன் துவங்கியது. ஊட்டியில் பிரசித்தி பெற்ற மாரியம்மன் கோவில் தேர் திருவிழா ஆண்டுதோறும், ஏப்., மாதம் நடைபெறுகிறது. நடப்பாண்டு  தேர்திருவிழாவையொட்டி, நேற்று, பூச்சொரிதல் நிகழ்ச்சியுடன் விழா துவங்கியது. 19ம் தேதி காப்புகட்டு, ஏப்., 14ம் தேதி காலை, 9:00 மணி முதல், 10:00 மணிக்குள் தேர் முகூர்த்தக்கால் நடுதல் நிகழ்ச்சி  நடக்கிறது. 17ம் தேதி பகல், 12:00 மணிக்கு தேர் கலசம் ஏற்றுதல் நடக்கிறது. 18ம் தேதி திருத்தேர் வடம் பிடித்தல் நிகழ்ச்சி நடக்கிறது. 19ம் தேதி மஞ்சள் நீராட்டு கொடியிறக்கம், 21ம் தேதி விடையாற்றி  உற்சவம் உள்பிரகாரத்தில் அம்மன் புறப்பாடு நிகழ்ச்சியுடன் விழா நிறைவு பெறுகிறது.