சோழவந்தான்: சோழவந்தான் அருகே கச்சிராயிருப்பில் உள்ள கொடிப்புலி கருப்பச்சாமி, அய்யனார், ஊர்க்காவலன், சோணைச்சாமி கோயிலின் புரவி எடுப்பு விழாவிற்கான கொடி கம்பம் நடும் விழா நடந்தது. இக்கிராமத்தில் வருகிற வைகாசியில் குதிரை எடுப்பு திருவிழா நடைபெறுகிறது. இவ்விழாவை முன்னிட்டு நேற்று முன்தினம் குருவித்துறையில் இருந்து பூஜிக்கப்பட்ட கொடிகம்பத்தை மேளதாளம் முழங்க, வானவேடிக்கையுடன் ஊர்வலமாக பக்தர்கள் விநாயகர் கோவிலுக்கு கொண்டு வந்தனர். இதையடுத்து நேற்று காலை காளியம்மன் கோவில் முன்புள்ள மந்தையில் கொடிக்கம்பத்தை ஊன்றினர். தொடர்ந்து கிராமத்தினரும் பூசாரியும் சேர்ந்து குலாலரிடம்( வேளார்) குதிரை செய்வதற்கான மண் கொடுத்தனர். கிராமத்தினர் விழாவிற்கான ஏற்பாடுகளைச் செய்திருந்தனர்.