சோழவந்தான்: சோழவந்தான் அக்ரஹாரத்தில் உள்ள ஸ்ரீராம பக்த சபாவின் கோபாலகிருஷ்ணன் கோயிலில் ராம நவமி மஹோத்சவ விழா நடந்தது. இவ்விழா மார்.30ல் ராமநாமபாராயணத்துடன் துவங்கியது. இந்நிலையில் நேற்று காலை ஸ்ரீராம நவமி விழாவில் காலை உஞ்சவிருத்தி நடந்தது. சீர் எடுத்து வருதல் நிகழ்ச்சி நடந்தது. இதையடுத்து சீதா கல்யாண மஹோத்ஸவம் நடந்தது. தொடர்ந்து இரவு சுவாமி சமேதராய் வீதியுலா புறப்பாடு நடைபெறும். ஸ்தாபகர் காசிவிஸ்வநாதன், தலைவர் வரதராஜபண்ட்ஜி, செயலாளர் வெங்கட்ராமன், பொருளாளர் மஹாதேவன், உபதலைவர் ரமணி, இணைச்செயலாளர் விஸ்வநாதன் மற்றும் ஸ்ரீராம பக்த சபா கமிட்டியாளர்கள் பங்கேற்றனர். மலையாளம் கிருஷ்ணய்யர் சாரிடபிள் டிரஸ்ட், ரூரல் டெக்னாலஜி பவுண்டேசன் சேதுரத்தினம் ஐயர் ஆகியோர் பக்தர்களுக்கு அன்னதானம் வழங்கினர். இந்நிகழ்வில் எம்.வி.எம். குழும தலைவரும், பா.ஜ.க., விவசாய அணி மாநில துணைத்தலைவருமான மணிமுத்தையா குடும்பத்தினர் பங்கேற்றனர். ஸ்ரீராம பக்த சபா, தமிழ்நாடு பிராமண சங்கம் ஆகியோர் விழா ஏற்பாடுகளை செய்திருந்தனர்.