பெ.நா.பாளையம்: பெரியநாயக்கன்பாளையத்தில் உள்ள சந்தைப்பேட்டை மாரியம்மன் கோவில் கும்பாபிஷேகத்தை ஒட்டி முகூர்த்தக்கால் நடும் விழா நடந்தது.

பெரியநாயக்கன்பாளையம் குப்பிச்சிபாளையம் ரோட்டில் சந்தைப்பேட்டை மாரியம்மன் கோவில் உள்ளது. இக்கோவில் திருவிழாவில், 18 கிராம மக்கள் பங்கேற்று, விழாவை பிரம்மாண்டமாக நடத்துவர். இக்கோயில் கடந்த சில ஆண்டுகளாக புனரமைக்கும் பணி நடந்தது. தற்போது, பணி முழுமை அடைந்துள்ளது. இதையடுத்து கும்பாபிஷேக விழா, மே 24ம் தேதி நடக்கிறது. இதையொட்டி கோயில் பரம்பரை அறங்காவலர்களான எம்.எல்.ஏ., அருண்குமார், ரமேஷ் பாபு ஆகியோர் தலைமையில் முகூர்த்தக்கால் நடும் விழா நடந்தது. இதில், பெரியநாயக்கன்பாளையம் முக்கிய பிரமுகர்கள், பொதுமக்கள் உள்ளிட்ட பலர் கலந்து கொண்டனர்.