ரிஷிவந்தியம், ;சூளாங்குறிச்சி வரதராஜ பெருமாளுக்கு திருக்கல்யாண உற்சவம் நடந்தது.

ரிஷிவந்தியம் அடுத்த சூளாங்குறிச்சி பாலாஜி திருமண மண்டபத்தில், ஸ்ரீதேவி பூதேவி சமேத வரதராஜ பெருமாளுக்கு 9ம் ஆண்டு திருக்கல்யாண உற்சவம் நடந்தது. அதையொட்டி, நேற்று முன்தினம் காலை மூலவர் மற்றும் உற்சவர் வரதராஜ பெருமாளுக்கு சிறப்பு அபிேஷகம் நடந்தது. மாலை 5:00 மணியளவில் அலங்கரிக்கப்பட்ட உற்சவர் பெருமாள், கோவிலில் இருந்து ஊர்வலமாக திருமண மண்டபத்திற்கு எழுந்தருள செய்தனர். அங்கு சிறப்பு அபிேஷக, ஆராதனைகள் முடிந்து திருக்கல்யாண வைபவம் நடந்தது. ஏற்பாடுகளை கள்ளக்குறிச்சி ஜே.எஸ்., குளோபல் அகாடமி சி.பி.எஸ்.இ., பள்ளி நிறுவனர் செந்தில்குமார் செய்திருந்தார்.