மதுரை: மதுரை கூடலழகர் பெருமாள் கோவிலில் வைகாசி திருவிழா கொடியேற்றத்துடன் தொடங்கியது. சிறப்பு அலங்காரத்தில் வியூக சுந்தரராஜ பெருமாள் பக்தர்களுக்கு அருள்பாலித்தார்.

108வைணவ திவ்ய தேச தலங்களில் ஒன்றான மதுரை கூடலழகர் பெருமாள் கோவிலில் வைகாசி திருவிழா ஆண்டு தோறும் சிறப்பாக நடைபெறும்.இந்தாண்டு விழாஇன்று (26ம் தேதி) கொடியேற்றத்துடன் தொடங்கி அடுத்த மாதம் 8ம் தேதி வரை நடக்கிறது. விழாவை முன்னிட்டு காலைகடக லக்கனத்தில் கொடியேற்றப்பட்டது. ஸ்ரீதேவி, பூதேவி வியூக சுந்தரராஜ பெருமாள் சிறப்பு அலங்காரத்தில் எழுந்தருளி பக்தர்களுக்கு அருள்பாலித்தார். சுவாமிக்கு சிறப்பு தீபாராதனை நடைபெற்றது. விழாவில் தினமும் சுவாமி பல்வேறு வாகனங்களில் எழுந்தருளி அருள்பாலிக்கிறார். விழாவில் முக்கிய நிகழ்ச்சியான தேரோட்டம் வரும் 3ம் தேதியும், 5ம் தேதி தசாவதாரமும் நடக்கிறது.