பழநி: பழநி முருகன் கோவிலுக்கு விடுமுறை நாளை முன்னிட்டு உள்ளூர், வெளியூர் பக்தர்கள் காத்திருந்து தரிசனம் செய்தனர்.

பழநி முருகன் கோயிலுக்கு வெளியூர், வெளி மாநில பக்தர்கள் அதிகம் வருகை புரிந்தனர். பள்ளி விடுமுறை நிறைவு பெறுவதை முன்னிட்டு வெளியூர் பக்தர்களின் வருகை அதிகம் இருந்தது. மலைக்கோயில் செல்ல, வின்ச், ரோப் கார், தரிசன வரிசையிலும் கூட்டம் அதிகளவில் இருந்தது. பொது, கட்டண தரிசன வரிசையில் பக்தர்கள் பல மணிநேரம் காத்திருந்து சுவாமி தரிசனம் செய்தனர். பழநி மலை அடிவாரம், கிரிவீதி பகுதிகளில் வாகனங்களை நிறுத்தி இருந்தனர். அய்யம்புள்ளி ரோடு, பூங்கா ரோடு பகுதி வாகன நெரிசல் ஏற்பட்டது. கிரிவீதி, சன்னதி வீதியில் ஆக்கிரமிப்பு அதிகளவில் இருந்தது. வைகாசி விசாகத் திருவிழாவை முன்னிட்டு பக்தர்கள் தீர்த்த காவடி எடுத்து வந்தனர். கேரளா மாநிலம் திருச்சூரைச் சேர்ந்த பக்தர்கள் கோபுர காவடி எடுத்து திரு ஆவினன்குடி, கிரி வீதியில் வலம் வந்தனர்.