வடமதுரை: வடமதுரை அருகே பிலாத்து பி.கம்பிளியம்பட்டியில் ஸ்ரீ முத்தாலம்மன், காளியம்மன், பகவதியம்மன் கோயில் கும்பாபிஷேகம் நடந்தது. நேற்று மாலை தீர்த்தம் அழைப்புடன் துவங்கிய விழாவில் மூன்று கால யாக பூஜைகள் நடந்தன. இன்று காலை கடங்கள் புறப்பாடாகி கும்பங்களில் புனித நீர் ஊற்றி கும்பாபிஷேகம் நடந்தது. கொம்பேரிபட்டி மந்தை நாயக்கர் நாகமுத்து தலைமை வகித்தார். தேனி மாவட்டம் தர்மலிங்கபுரம் கணேஷ் சுவாமிகள் தலைமையிலான குழுவினர் கும்பாஷேகத்தை நடத்தி வைத்தனர். முன்னாள் எம்.எல்.ஏ.,.க்கள் பழனிச்சாமி, பரமசிவம், மாவட்ட கவுன்சிலர் தண்டாயுதம், ஒன்றிய கவுன்சிலர்கள் ராஜசேகர், வெள்ளையன், பரமேஸ்வரிநீலக்கண்ணன், ஊராட்சி தலைவர்கள் பத்மாவேல்முருகன், ராஜரத்தினம், முனியப்பன், தி.மு.க., ஒன்றிய செயலாளர் சுப்பையன், மாவட்ட நெசவாளரணி அமைப்பாளர் சொக்கலிங்கம், அ.தி.மு.க., கோவை மண்டல ஐ.டி., பிரிவு துணை செயலாளர் கோகுல்கவுதம், வடமதுரை மேற்கு ஒன்றிய இணை செயலாளர் மணிவேல் உள்பட நுாற்றுக்கணக்கான பக்தர்கள் பங்கேற்றனர்.