நத்தம்; நத்தம் செந்துறை அருகே களத்துபட்டியில் முடிமலை ஆண்டவர், ராவள ஈஸ்வரன், கருப்பசாமி கோயில்களில் புரவி எடுப்பு திருவிழாவில் ஏராளமானோர் கலந்துள்ளனர்.

விழாவில் பெரியூர்பட்டி முத்தாலம்மன் கோவில் குளக்கரையில் பிடிமண் எடுக்கப்பட்டு பிரதிஷ்டை செய்யப்பட்ட சுவாமி சிலைகள் வானவேடிக்கை களுடன் களத்துப்பட்டி முடிமலை ஆண்டவர் கோவில் மந்தைக்கு ஊர்வலமாக எடுத்து வரப்பட்டு கண் திறக்கப்பட்டது.பின்னர் அங்கு சுவாமிகளுக்கு சிறப்பு அபிஷேகமும், தீபாராதனைகளும் நடந்தது.தொடர்ந்து நேற்று பிரதிஷ்டை செய்யப்பட்ட முடிமலை ஆண்டவர்,ராவள ஈஸ்வரன், கருப்பசாமி, கன்னிமார் மற்றும் குதிரை, காளை, மதிலை சிலைகள் ஊர்மந்தையில் இருந்து ஊர்வலமாக புறப்பட்டு வானவேடிக்கைகளுடன் இருப்பிடம் போய் சேர்ந்தது.இதில் சுற்றுவட்டார கிராம பகுதிகளில் இருந்து ஏராளமான பக்தர்கள் கலந்து கொண்டு சாமி தரிசனம் செய்தனர். அன்னதானம் வழங்கபட்டது. திருவிழாவிற்கான ஏற்பாடுகளை களத்துப்பட்டி கிராம பொதுமக்கள் செய்திருந்தனர்.