தேவகோட்டை; தேவகோட்டை அருகே உள்ள கொங்கிவயல் பகுதியில் வாழ்ந்த சித்தர் முத்துக்கருப்ப சுவாமிகள் கோயிலில் சுவாமிக்கு கார்த்திகை பூரம் நட்சத்திரமான நேற்று 88 வது குருபூஜை நடந்தது. குருபூஜையை முன்னிட்டு சுவாமிக்கு சிறப்பு ஹோமம், அபிஷேகம் செய்யப்பட்டு வெள்ளி அங்கி சாற்றப்பட்டு சிறப்பு பூஜைகள் நடந்தன. குருபூஜையில் ஆயிரக்கணக்கானோர் பங்கேற்று சுவாமி தரிசனம் செய்தனர். மாலை ரதத்தில் உலா வந்து அனைத்து பொது மக்களுக்கு அருள் பாலித்தார். அனைவருக்கும் சிறப்பு விருந்து நடந்தது. தேவகோட்டை நகர் மற்றும் 100 க்கு மேற்பட்ட கிராமங்களில் இருந்து மக்கள் பங்கேற்றனர்.