சத்திரப்பட்டி:தொழில் அபிவிருத்தி, மழை வேண்டி, சங்கரபாண்டியபுரம் அம்மச்சியார்அம்மன் கோயிலில் சண்டிஹோமம் நடந்தது. சத்திரப்பட்டி, சங்கரபாண்டியபுரம், சமுசிகாபுரத்தில், கடந்த சில மாதங்களாக குடிநீர் தட்டுப்பாடு ஏற்பட்டு உள்ளது. குடம் குடிநீர் ஐந்து ரூபாய், உப்புநீர் குடம் மூன்று ரூபாய் என விலைக்கு வாங்குகின்றனர். எந்த ஆண்டும் இல்லாத அளவிற்கு, வறட்சி ஏற்பட்டு உள்ளது. பேண்டேஜ் உற்பத்திக்கு ÷தவைப்படும் நூல்விலை ஏற்றம், மின்தடையால் விசைத்தறி தொழிற்கூடங்கள் பாதிக்கப்பட்டு உள்ளன. இதை கருத்தில் கொண்டு, மூன்றுஊர் சார்பில் தலைவர் ஞானகுரு தலைமையில், சங்கரபாண்டியபுரம் அம்மச்சியார்அம்மன் கோயிலில் சண்டி ஹோமம் நடந்தது. முன்னதாக, விரதமிருந்த பக்தர்கள் பால்குடம் எடுத்தனர். பூஜையை கண்ணன்போத்தி குழுவினர் செய்திருந்தனர்.