விக்கிரவாண்டி:சிந்தாமணி நல்லூரில் ஐந்து கோவில்களுக்கு 28ம் தேதி கும்பாபிஷேகம் நடக்கிறது.விக்கிரவாண்டி அடுத்த சிந்தாமணி நல்லூரிலுள்ள சித்தி விநாயகர், திரவுபதியம்மன், கன்னியம்மன், செல்வ வினாயகர், நாகாத்தம்மன் கோவில்கள் கிராம பொதுமக்களால் புதுப்பிக்கப்பட்டது.கும்பாபிஷேகத்தையொட்டி 26ம் தேதி காலை 9 மணிக்கு கணபதி ஹோமதுடன் பூஜைகள் துவங்கியது. 27ம் தேதி இரண்டாம் காலயாகபூஜைகள் நடக்கிறது. 28ம் தேதி காலை மூன்றாம் கால யாக பூஜைகள் காலை 9 மணிக்கு மயிலம் பொம்மபுர ஆதினம் தலை மையில் கோபாலகிருஷ்ண சுவாமிகள் கலசங்கங்களுக்கு புனித நீர்
ஊற்றி கும்பாபிஷேகத்தை நடத்தி வைக்கிறார்.இதற்கான ஏற்பாடுகளை கிராம நாட்டாண்மைகள், முக்கியஸ்தர்கள் செய்து வருகின்றனர்.