காரைக்குடி; காரைக்குடி மீனாட்சிபுரம் முத்துமாரியம்மன் கோயில் மாசி- பங்குனி திருவிழாவையொட்டி, பக்தர்கள் மஞ்சள் காப்பு தயாரிக்கும் பணியில் தீவிரமாக ஈடுபட்டு வருகின்றனர்.

காரைக்குடி மீனாட்சிபுரத்தில் உள்ள முத்துமாரியம்மன் கோவில் மாசி-பங்குனி பால்குடத் திருவிழா மிகவும் பிரசித்தி பெற்றதாகும். ஆண்டுதோறும் பால்குட திருவிழாவில் லட்சத்திற்கும் மேற்பட்டோர் விரதமிருந்து காப்புகட்டி பால்குடம் எடுத்து பக்தர்கள் நேர்த்திக்கடன் செலுத்துவர். இவ்வாண்டு 68 வது மாசி பங்குனி திருவிழா மார்ச் 12 ஆம் தேதி கணபதி பூஜை, கொடியேற்றும் மற்றும், காப்பு கட்டுதலுடன் தொடங்குகிறது. மார்ச் 19 ஆம் தேதி கோயில் கரகம், மது, முளைப்பாரி எடுக்கும் நிகழ்ச்சி நடக்கிறது. மார்ச் 20 ஆம் தேதி காலை முக்கிய திருவிழாவான காவடி, பால்குடம் எடுக்கும் நிகழ்ச்சியும் பூக்குழி இறங்கும் நிகழ்ச்சியும் நடைபெறுகிறது. மாலையில் கரகம் பருப்பூரணியில் சேர்க்கும் நிகழ்ச்சியும், இரவு காப்பு பெருக்குதல் நிகழ்ச்சியும் நடைபெறுகிறது. மார்ச் 21 இரவு அம்மன் திருவீதி உலாவும் 22 ஆம் தேதி சந்தன காப்பு அலங்காரமும் நடைபெறுகிறது. பக்தர்கள் காப்பு கட்டிக் கொள்வதற்காக, கோயிலில் காப்பு தயாரிக்கும் பணி நடந்து வருகிறது.