கோவை ; நவகிரகங்களில் மிக முக்கியமான பகவான் சனி பகவான். வருடம் தோறும் வைகாசி மாதத்தில் வரும் அமாவாசை தினம் தான் சனி பகவானின் பிறந்தநாள் ஆகும். இதை சனீஸ்வர ஜெயந்தி என்று நாம் அழைக்கிறோம். இதையொட்டி கோவை சுந்தராபுரம் காமராஜர் நகர் குறிச்சி ஹவுசிங் யூனிட் பேஸ் - 1 ல் உள்ள கம்பீர விநாயகர் கோவிலில் இருக்கும் நவக்கிரக சந்நிதியில் உள்ள சனீஸ்வர பகவானுக்கு சிறப்பு பூஜை மற்றும் அபிஷேகம் நடந்தது. இதில் புஷ்ப அலங்காரத்தில் சனீஸ்வர பகவான் பக்தர்களுக்கு காட்சியளித்தார் . இந்த நிகழ்ச்சியில் ஏராளமான பக்தர்கள் கலந்து கொண்டு தரிசனம் செய்தனர்.