கோவை; கோவை ராமநாதபுரம் - நஞ்சுண்டாபுரம் ரோட்டில் அமைந்துள்ள சித்த லிங்கேஸ்வரர் கோவிலில் வைகாசி மாதம் கடைசி சோமவார திங்கட்கிழமையை முன்னிட்டு சிறப்பு வழிபாடு நடைபெற்றது. கோவிலில் மூலவர் சிவபெருமானுக்கு சிறப்பு பூஜை மற்றும் அபிஷேகம் நடந்தது. இதில் மஞ்சள் நிற வஸ்திரத்தில் புஷ்ப அலங்காரத்தில் சிவபெருமான் பக்தர்களுக்கு அருள் பாலித்தார். நிகழ்ச்சியில் ஏராளமான பக்தர்கள் கலந்து கொண்டு சிவனை தரிசனம் செய்தனர்.