அருப்புக்கோட்டை மீனாட்சி சொக்கநாதர் கோயிலில் பிரம்மோற்ஸவ கொடியேற்றம்
எழுத்தின் அளவு:
பதிவு செய்த நாள்
11ஜூன் 2024 10:06
அருப்புக்கோட்டை; அருப்புக்கோட்டை சொக்கலிங்கபுரம் மீனாட்சி சொக்கநாதர் கோயில் பிரம்மோற்ஸவ விழா கொடியேற்றத்துடன் துவங்கியது. ஹிந்து சமய அறநிலைய துறைக்கு சொந்தமான இந்த கோயிலில் ஒவ்வொரு ஆண்டும் ஆனி பிரம்மோற்ஸவ விழா கொண்டாடப்படுகிறது. நேற்று காலை 9:00 மணிக்கு பூஜைகள் செய்யப்பட்டு கொடி ஏற்றப்பட்டது. தினமும் ஒவ்வொரு பகுதி சமுதாய உறவின் முறைக்கு பாத்தியப்பட்ட மண்டகப்படி நடைபெறும். ஜூன் 19 புதன் கிழமை திருக்கல்யாணம் நடக்கிறது. மறுநாள் மாலை 4:30 மணிக்கு மீனாட்சி சொக்கநாதர் தேர் வீதி உலா நடைபெறும். இதில் ஆயிரக் கணக்கான மக்கள் கலந்து கொள்வர். ஏற்பாடுகளை கோயில் நிர்வாகத்தினர் செய்து வருகின்றனர்.