திருக்கோவிலூர்; திருக்கோவிலூர் ஞானானந்தா தபோவனத்தில் கும்பாபிஷேகத்தை முன்னிட்டு யாகசாலை பூஜை நடந்தது. திருக்கோவிலூர் அடுத்த தபோவனத்தில், ஸ்ரீ ஞானானந்தகிரி சுவாமிகள் தபோவனம் அமைந்துள்ளது. இங்குள்ள அதிர்ஷ்டம், மணிமண்டபம், மூர்த்திகள் சன்னிதி, ராஜகோபுரம் உள்ளிட்டவை புனரமைக்கப்பட்டு நாளை காலை 7:00 மணிக்கு மகா கும்பாபிஷேகம் நடக்கிறது. முன்னதாக இன்று காலை 4ம் கால யாகசாலை பூஜை, விசேஷ மூலமந்திர ஹோம திரவியாகுதி, நவாவரண பூஜை, பூர்ணாகுதி நடந்தது. மாலை 5:00 மணிக்கு 5ம் கால யாகசாலை பூஜை, பிம்பசுத்தி ரக்ஷாபந்தனம், ஸ்பர்சாகுதி, தத்வார்ச்சனை நடந்தது. நாளை அதிகாலை 4:00 மணிக்கு 6ம் கால யாகசாலை பூஜை, நவாவரண பூஜை, பூர்ணாகுதி, கடம் புறப்பாடாகி 7:00 மணிக்கு மேல் ராஜகோபுரம் மற்றும் மூர்த்திகளின் மூலக்கலசங்களுக்கு புனித நீர் ஊற்றி மகா கும்பாபிஷேகம் நடக்கிறது. விழாவிற்கான ஏற்பாடுகளை அறக்கட்டளை செயலாளர் அமர்நாத் மற்றும் நிர்வாகிகள், உறுப்பினர்கள், பக்தர்கள் செய்து வருகின்றனர்.