தட்சிணாயன புண்ணிய காலம் ஆரம்பம்; புனித நீராடி இறைவனை வழிபட பாவம் தீரும்!
எழுத்தின் அளவு:
பதிவு செய்த நாள்
16ஜூலை 2024 10:07
தை முதல் ஆனி மாதம் வரையிலான, ஆறு மாதங்கள் உத்ராயண புண்யகாலம், ஆடி முதல் மார்கழி மாதம் வரையிலான, ஆறு மாதங்கள் தட்சிணாயன புண்யகாலம் என அழைக்கப்படுகிறது. உத்ராயண காலத்தில், சூரியன் கிழக்கு மற்றும் வடக்கு திசைக்கு இடையே உதயமாகும். தட்சிணயான புண்யகாலத்தில், சூரியன் கிழக்கு மற்றும் தெற்கு திசைக்கு இடையே உதயமாகும். பாரதத்தின் கங்கை, யமுனை, கிருஷ்ணா, நர்மதை, காவிரி உள்பட, ஏழு நதிகள் சப்த புண்ய நதிகளில், தட்சிணாயன புண்ணிய நதி என்ற பெருமை காவிரிக்கு மட்டுமே உண்டு. இந்நாளில் காவிரியில் புனித நீராடி, சூரியனை, குல தெய்வத்தை வழிபட வேண்டும். இன்று துர்கை அம்மனுக்கு நெய் தீபம் ஏற்றி வழிபடுதல் சிறப்பை தரும்.