அவிநாசி;  பாரதி நகரில் உள்ள சௌடேஸ்வரி அம்மன் கோவிலில் நவராத்திரி கொலு பூஜை மற்றும் சக்தி அழைப்பு விழா நடைபெற்றது. அவிநாசி வட்டம்,திருமுருகன் பூண்டி நகராட்சிக்குட்பட்ட அம்மாபாளையம் கோபால்டு மில் பகுதியில் பாரதி நகரில் எழுந்தருளியுள்ள ராமலிங்க சௌடேஸ்வரி அம்மன் கோவிலில் நவராத்திரி கொலு பூஜை மற்றும் சக்தி அழைப்பு விழா நடைபெற்றது. இன்று செல்வவிநாயகர் கோவிலில் இருந்து வீரக்குமார்களின் அலகு சேவையுடன் மாவிளக்கு ஊர்வலம் நடைபெற்றது. அதன் பின்னர் சிறப்பு அலங்காரத்தில் மஹாதளிகை பூஜை, பொது பொங்கல், அம்மன் சப்பரத்தில் புறப்பாடு ஆகியவை நடைபெற்றது. மாலையில் அம்பு சேவை, மகிஷாசூர சம்ஹாரம் செய்தல், சாந்தி பூஜை செய்து திருவீதி உலா வருதல் ஆகியவை நடைபெற்றது. நாடளமஞ்சள் நீராட்டுடன் ,விழா நிறைவு பெறுகிறது. ஸ்ரீ ராமலிங்க சௌடேஸ்வரி அம்மன் கோவில் கமிட்டி சார்பில் பக்தர்களுக்கு அன்னதானம் வழங்கப்பட்டது.