காரைக்குடி; குன்றக்குடியில் கந்த சஷ்டி விழா தொடக்கத்தை முன்னிட்டு லட்சார்ச்சனை நடந்தது.

குன்றக்குடி சண்முகநாதப் பெருமான் கோயிலில் ஆண்டுதோறும் கந்தசஷ்டி விழா, சூரசம்காரம் நிகழ்ச்சி சிறப்பாக நடைபெறும். இதில் உள்ளூர் மட்டுமின்றி பல்வேறு பகுதிகளைச் சேர்ந்த பக்தர்கள் கலந்து கொள்வர். இவ்வாண்டு கந்தசஷ்டி விழாவை முன்னிட்டு நேற்று லட்சார்ச்சனை விழா குன்றக்குடி பொன்னம்பல அடிகளார் தலைமையில் நடந்தது. விழாவை முன்னிட்டு முத்துகந்தர் மலையிலிருந்து இறங்கி திருநாள் மண்டபத்திற்கு வந்து சேர்ந்தது. தினமும் சுவாமிக்கு சிறப்பு அபிஷேக ஆராதனைகள் நடைபெறுகிறது. தினமும் மாலை 7 மணிக்கு அறுமுகச் செவ்வேல் எழுந்தருளல் நிகழ்ச்சி நடைபெறுகிறது. நவ.7 ஆம் தேதி மாலை 3.15 மணிக்கு சுவாமி அம்மையிடம் சக்திவேல் வாங்குதல் நிகழ்ச்சியும், மாலை 4.05 மணிக்கு வெள்ளிரதத்தில் சுவாமி எழுந்தருளால் நிகழ்ச்சியும், தொடர்ந்து மாலை 5.30 முதல் 6.30 மணிக்குள் சூரனை தடிதலும் ஆட்கொள்ளல் நிகழ்ச்சியும் நடைபெறுகிறது. நிகழ்ச்சி ஏற்பாடுகளை குன்றக்குடி பொன்னம்பல அடிகளார் செய்து வருகிறார்.