காரமடை : பிரசித்தி பெற்ற காரமடை அரங்கநாதர் சுவாமி கோவிலில் கார்த்திகை ஏகாதசி வைபவம் சிறப்பாக நடந்தது. அதிகாலை மூலவர் ரங்கநாதருக்கு சிறப்பு அபிஷேகம் முடிந்து, கால சந்தி பூஜை தொடர்ந்து விஸ்வக்ஷேனர் ஆராதனம் புண்யாவசனம், கலச ஆவாஹனம், ஸ்ரீதேவி பூதேவி சமேத உற்சவர் ரங்கநாதர் பெருமாள் ஸ்தபன  திருமஞ்சனம் நடைபெற்றது. இதில் நெய், தேன், பால், தயிர், இளநீர், மஞ்சள், சந்தனம் போன்ற வாசனை திரவியங்கள் கொண்டு சிறப்பு திருமஞ்சனம் நடந்தது. அதனைத் தொடர்ந்து ரங்கநாதர் வெண்பட்டு குடையுடன், வெள்ளி சப்பரத்தில் கோவில் வலம் வந்தார். தொடர்ந்து ஆஸ்தானம் எழுந்தருளிய ரங்கநாதர், ஸ்ரீதேவி பூதேவி சமேதராய் சிம்மாசனத்தில் அமர்ந்தார். அங்கு உச்சகால பூஜையை தொடர்ந்து தீர்த்த பிரசாதம் வழங்கப்பட்டது. இந்நிகழ்ச்சியில் ஸ்தலத்தார்கள், அர்ச்சகர்கள் உள்பட பக்தர்கள் ஏராளமானோர் கலந்து கொண்டனர். விழா ஏற்பாட்டினை அறங்காவலர்  குழுவினர் தலைவர் எம் கே கே தேவானந்த், மற்றும் அறங்காவலர்கள் ராமசாமி கார்த்திகேயன், சுஜாதா, ஜவகர், குணசேகரன் மாவட்ட அறங்காவலர் நியமனக்குழு உறுப்பினர் கவிதா கல்யாண சுந்தரம், திருக்கோவில் செயல் அலுவலர் சந்திரமதி ஆகியோர் விழா ஏற்பாட்டினை செய்திருந்தனர். அலுவலர்கள் மற்றும் ஏராளமான பக்தர்கள் விழாவில் பங்கேற்றனர்.