காளஹஸ்தி; திருப்பதி, காளஹஸ்தி சிவன் கோயிலில் ஆண்டுதோறும் வழக்கமாக நடைபெறும் லட்ச வில்வார்ச்சனையும், லட்ச குங்குமார்ச்சனையும் பக்தி பரவசத்துடன் நடைபெற்று வருகிறது. 

ஒவ்வொரு ஆண்டும் கார்த்திகை மாதத்தில் சிவன் கோயிலில் லட்ச வில்வங்களை கொண்டும், அம்மனுக்கு லட்ச குங்குமார்ச்சனை நடைபெறுவது வழக்கம். காலை முதல் மூன்று கால அபிஷேகமும், 4ம் கால பிரதோஷ கால அபிஷேகத்திற்கு பிறகு லட்ச வில்வார்ச்சனை நடைபெறுகிறது.  இந்த ஆண்டு கூடுதலாக கோயில் அலங்காரம் மண்டபத்தில் உற்சவ மூர்த்திகளுக்கு நடைபெறுவதோடு மூலவர் சன்னதியில் ஸ்ரீகாளஹஸ்தீஸ்வரர் ஞானப்பிரசுனாம்பிகை தாயாருக்கு லட்ச  வில்வார்ச்சனை, குங்கும அர்ச்சனை நடைபெற்று வருகின்றன . இந்த பூஜைகளில் பக்தர்கள் திரளாக கலந்து கொண்டனர். நாளை 30ம் தேதி நிறைவு பெறும் விழாவில் காலை அஷ்டோத்தர கலசாபிஷேகமும், மாலையில் சுவாமி மாட வீதிகளில் உலா வந்தும் அருள்பாலிக்க உள்ளார்.