காளஹஸ்தி; திருப்பதி மாவட்டம் நாகலாபுரம் மண்டலம், பள்ளிக்கொன்டேஸ்வர சுவாமி  தேவஸ்தானத்தில் நேற்று வியாழக்கிழமை பிரதோஷ பூஜைகள் மிக பிரமாண்டமாக நடந்தன. கார்த்திகை மாத பிரதோஷத்தை யொட்டி, கோயிலில் ஸ்ரீ நந்தீஸ்வர சுவாமிக்கும், ஸ்ரீ வால்மீகேஸ்வர சுவாமிக்கும் ஒரே நேரத்தில் பிரதோஷ பூஜைகள் வெகு விமரிசையாக நடைபெற்றது. முன்னதாக பால், தயிர், சந்தனம், குங்குமம், இளநீர், தேன் மற்றும் பஞ்சாமிர்தத்தால் சிறப்பு அபிஷேகம் நடைபெற்றது. தொடர்ந்து சுவாமி, பிரதோஷ நந்தீஸ்வர சுவாமிக்கு பல்வேறு மலர்களால் சிறப்பாக அலங்காரம் செய்யப்பட்டு தூப தீப பிரசாதங்கள் வழங்கப்பட்டு, மகாதீபாராதனை நடைபெற்றது. இந்த பிரதோஷ பூஜையில் கோவில் குருக்கள், பணியாளர்கள் மற்றும் திரளான பக்தர்கள் கலந்து கொண்டனர்.