கோவை;  கார்த்திகை மாதம் மூன்றாவது சோமவார திங்கட்கிழமையை முன்னிட்டு கோவை ஆடிஸ் தெருவில் அமைந்துள்ள வேதபுரீஸ்வரருக்கு சிறப்பு அபிஷேகம், பூஜைகள் நடந்தன.இதில் சிறப்பு புஷ்ப அலங்காரத்தில் தீப ஒளியுடன் சிவபெருமான் பக்தர்களுக்கு காட்சியளித்தார். இதில் ஏராளமான பக்தர்கள் கலந்து கொண்டு தரிசனம் செய்தனர். இதேபோல், கார்த்திகை சோமவாரம் மூன்றாவது திங்கட்கிழமையை முன்னிட்டு சுந்தராபுரம் காமராஜர் நகர் குறிச்சி ஹவுசிங் யூனிட் பேஸ் - 1 ல் அமைந்துள்ள ஸ்ரீ புவனேஸ்வரருக்கு அபிஷேகம் மற்றும் பூஜைகள் நடந்தன. இதில் வெண் பட்டு வஸ்திரத்தில் சிவபெருமான் பக்தர்களுக்கு அருள் பாலித்தார். ஏராளமான பக்தர்கள் காத்திருந்து தரிசனம் செய்தனர்.