உத்திரமேரூர்; உத்திரமேரூர் ஒன்றியம், அழிசூர் கிராமத்தில் உள்ள திரவுபதி அம்மன் கோவிலில், கார்த்திகை மாத அஷ்டமியை முன்னிட்டு, சங்காபிஷேகம் வழிபாடு நடந்தது. முன்னதாக, காலை 9:00 மணிக்கு மூலவருக்கு நெய், பால், தயிர், இளநீர், சந்தனம் ஆகியவற்றால் சிறப்பு அபிஷேகம் செய்யப்பட்டது. தொடர்ந்து, 11:00 மணிக்கு யாக சாலையில் வைத்து பூஜிக்கப்பட்ட, 108 சங்குகளால் அம்மனுக்கு அபிஷேகம் செய்யப்பட்டது. இதில், திரளான பக்தர்கள் பங்கேற்றனர்.