கன்னியாகுமரி; சாமித்தோப்பு அய்யா வைகுண்டசாமி தலைமைப்பதியில் தை - திருவிழா திருக்கொடியெற்றத்துடன் துவங்கியது.

சாமித்தோப்பு அய்யா வைகுண்டசாமி தலைமைப்பதியில் ஆண்டு தோறும் வைகாசி, ஆவணி, தை ஆகிய மாதங்களில் 11 நாட்கள் திருவிழா நடைபெறுவது வழக்கம். இந்த ஆண்டுக்கான தைத்திருவிழா இன்று கொடியேற்றத்துடன் தொடங்கியது. கொடியேற்றத்தையொட்டி அதிகாலை 4 மணிக்கு முத்திரி பதமிடுதல், திருநடை திறந்து விளக்கேற்றுதல், காலை 6 மணிக்கு கொடிப்பட்டம் தயாரித்து பதியை சுற்றி வலம் வரும் நிகழ்ச்சி நடந்தது. அதனை தொடர்ந்து 6.30 மணிக்கு திருவிழா கொடியேற்றம் நடைபெற்றது. தலைமைப்பதி கொடியை ஏற்றி வைத்தார்.  தொடர்ந்து அய்யா வைகுண்டசாமி தொட்டில் வாகனத்தில் எழுந்தருளி பதியை சுற்றி வலம் வந்து பக்தர்களுக்கு காட்சி கொடுத்தார். கொடியேற்ற நிகழ்ச்சியில் குமரி, நெல்லை, தூத்துக்குடி மற்றும் கேரளா முழுவதும் இருந்து அய்யா வழி பக்தர்கள் வருகை தந்து திரளாக கலந்து கொண்டனர். விழாவானது தொடர்ந்து 11 நாட்கள் நடக்கிறது. விழா நாட்களில் தினமும் காலை, மாலை பணிவிடை, இரவு வாகன பவனி, அன்னதர்மம் ஆகியவை நடக்கிறது.