செஞ்சி; வரிக்கல் பாலதண்டாயுதபாணி கோவிலில் நேற்று மகா கும்பாபிஷேகம் நடந்தது.

செஞ்சி அடுத்த வரிக்கல் பாலதண்டாயுதபாணி கோவிலில் நேற்று மகா கும்பாபிஷேகம் நடந்தது. இதை முன்னிட்டு நேற்று முன்தினம் காலை 6 மணிக்கு கோ பூஜை அனுக்ஞை, விக்னேஸ்வர பூஜை, எஜமான மணிசங்கல்பம், கணபதி ஹோமம் லக்ஷ்மி ஹோமம், நவக்கிரக ஹோமம் பூர்ணாஹுதி தீபாராதனையும், மாலை 3 மணிக்கு வாஸ்து சாந்தி, ப்ரவேச பலி, விக்னேஸ்வர பூஜை, புண்யாகவாசனம், அங்குரார்பணம், யாக சாலை பிரவேசம், முதல் கால யாகசாலை பூஜையும், இரவு 9 மணிக்கு சாமி கண் திறத்தலும் நடந்தது. நேற்று காலை 4.30 மணிக்கு வேதிகார்ச்சனை, அக்ணி கார்யம் இரண்டாம் கால ஹோமம், தத்வார்சனை, நாடி சந்தானமும், 7.30 மணிக்கு மகா பூர்ணாஹூதியும், 8 மணிக்கு கடம் புறப்பாடும், 8.45 மணிக்கு கோபுர கலசங்களுக்கு மகா கும்பாபிஷேகமும், 9 மணிக்கு பாலதண்டாயுதபாணிக்கும், பரிவார தெய்வங்களுக்கும் மகா அபிஷேகம் நடந்தது. மாலை 6.00 மணிக்கு வள்ளி, தேவசனா, சிவசுப்ரமணியருக்கு திருக்கல்யாண உற்சவமும் நடந்தது. பக்தர்களுக்கு அன்னதானம் வழங்கினர். இதில் திரளான பக்தர்கள் கலந்து கொண்டனர்.