கிணத்துக்கடவு; கிணத்துக்கடவு, சொலவம்பாளையம் பகுதியில் உள்ள எருதுகட்டி மாரியம்மன் கோவிலில் நேற்று (20ம் தேதி) பாலாலயம் நிகழ்ச்சி நடந்தது. கிணத்துக்கடவு சுலபம் பாளையம் ஊராட்சியில் உள்ள விநாயகர் மாகாளியம்மன் எருதுகட்டி மாரியம்மன் கோவிலில் வரும் மே மாதம் கும்பாபிஷேகம் நடத்த முடிவு செய்யப்பட்டது. இதைத்தொடர்ந்து கும்பாபிஷேகத்தின் முதல் நிகழ்வாக நேற்று காலை பாலாலயம் நிகழ்ச்சி நடந்தது. இதில், சுவாமிக்கு சிறப்பாகும் நடத்தப்பட்டது. தொடர்ந்து சிறப்பு அபிஷேக அலங்கார பூஜைகள் நடந்தது. இதில், சொலவம்பாளையம் மற்றும் அதன் சுற்றுவட்டார பகுதியில் இருந்து மக்கள் பலர் கலந்து கொண்டு சுவாமி தரிசனம் செய்தனர்.