திருப்புத்தூர்; திருப்புத்தூர் திருத்தளிநாதர் கோயிலில் யோகபைரவாஷ்டமியை முன்னி்டு சிறப்பு வழிபாடு நடந்தது. குன்றக்குடி தேவஸ்தானத்தைச் சேர்ந்த இக்கோயிலில் பைரவர் வழிபாடு பிரசித்தி பெற்றது. அஷ்டமி தினங்களில் யோகநிலையில் உள்ள மூலவர் பைரவருக்கு சிறப்பு வழிபாடு நடைபெறும். இன்று காலை 11:00 மணிக்கு மூலவருக்கு சிறப்பு பூஜைகளை பாஸ்கர் குருக்கள் நடத்தினார். தொடர்ந்து மூலவருக்கு அபிஷேகம் நடந்தது. பின்னர் யோகபைரவர் சந்தனக்காப்பு அலங்காரத்தில் எழுந்தருளி தீபாராதனை நடந்தது.