தொண்டாமுத்தூர்; கோவை, ஆதியோகி முன்பு, 4.5 டன் தேங்காய் ஓடுகளை கொண்டு, ஆதியோகியின் பிரம்மாண்ட ஓவியம் வரையப்பட்டு, உலக சாதனை படைக்கப்பட்டுள்ளது.

மத்திய பிரதேசத்தை சேர்ந்த கலா சாஸ்திரம் என்ற கலைஞர்கள் குழு, ஆதியோகிக்கும், மஹா கும்பமேளாவிற்கும், கலையின் மூலம் ஒரு அஞ்சலி செலுத்தும் முயற்சியாக, கோவை ஈஷா யோகா மையத்தில் உள்ள ஆதியோகி முன்பு, தேங்காய் ஓடுகளால், பிரம்மாண்டமான ஆதியோகியின் உருவப்படத்தை ஓவியமாக வரைந்தனர். 

இதுகுறித்து ஈஷா அறக்கட்டளை சார்பில் வெளியிடப்பட்டுள்ள பதிவில் கூறப்பட்டுள்ளதாவது: மஹா கும்பமேளா நடைபெறும் இந்த புனிதமான மாதத்தின் போது, கோவை ஈஷா யோகா மையத்தில், கலா சாஸ்திரா குழுவின் கலைஞர்கள், 16,368 சதுர அடியில், ஆதியோகியின் பிரமிக்க வைக்கும் உருவப்படத்தை தரையில் உருவாக்கினர். முழுவதுமாக, 4.5 தன் தேங்காய் ஓடுகளை கொண்டு வடிமமைக்கப்பட்ட இந்த தலைசிறந்த படைப்பு, உலக சாதனைகள் சமூகத்தால், அதிகாரப்பூர்வமாக அங்கீகரிக்கப்பட்டுள்ளது. கடந்த, ஜன., 20 முதல் 23ம் தேதி வரையிலான, 4 நாட்களில் இந்த ஓவியம் வரைந்து முடிக்கப்பட்டது. இவ்வாறு பதிவில் கூறப்பட்டுள்ளது.