புதுச்சேரி: சிவசடையப்பர் சுவாமி கோவிலில், 108 சங்காபிஷேக விழா நேற்று நடந்தது. வழுதாவூர் சாலை, பேட்டையன்சத்திரத்தில் அமைந்துள்ள, சிவசடையப்பர் சுவாமி கோவிலில் மூன்றாவது சோமவாரத்தை முன்னிட்டு, 108 சங்காபிஷேக விழா நேற்று மாலை 4 மணிக்கு நடந்தது. விழாவையொட்டி கலச ஸ்தாபனம், வேதிக அர்ச்சனை நடந்தது. மூலவருக்கு ஏகாதச மகாருத்ர ஹோமம் , பாராயணம் தொடங்கி 108 சங்காபிஷேகம் நடந்தது.இதனை தொடர்ந்து மூலவர் சிவனுக்கு நூதன வெள்ளி கிரீடம் சாற்றி, மகா தீபாராதனை நடந்தது. நாளை (5ம் தேதி) மாலை 6.30 மணிக்கு சிவசடையப்பர், அம்பாள் திரிபுரசுந்தரிக்கு சிறப்பு அபிஷேகம் நடக்கிறது. 6ம் தேதி காலை 5 மணிக்கு மார்கழி சிறப்பு பூஜை, காலை 7.30 மணிக்கு தட்சிணாமூர்த்திக்கு சிறப்பு அபிஷேகம், மாலை 6.30 மணிக்கு காலபைரவர் சுவாமிக்கு சிறப்பு அபிஷேகம் நடக்கிறது. இத் தகவலை சிவசடையப்பர் கோவில் செயலாளர் பாலசுப்ரமணியன் தெரிவித்துள்ளார்.