விருத்தாசலம்; சங்கடஹர சதுர்த்தியொட்டி விருத்தாசலம் கோவில்களில் விநாயகருக்கு சிறப்பு வழிபாடு நடந்தது.

விருத்தாசலம் விருத்தகிரீஸ்வரர் கோவிலில் ஆழத்து விநாயகர், முப்பிள்ளையாருக்கு காலை சிறப்பு அபிஷேக ஆராதனை நடந்தது. மாலையில் சிறப்பு அலங்காரத்தில் தீபாராதனை நடந்தது. மணவாளநல்லுார் கொளஞ்சியப்பர் கோவிலில் சித்தி விநாயகருக்கு சிறப்பு அபிஷேகம், வெள்ளிக்கவசம் சாற்றி தீபாராதனை நடந்தது. காந்திநகர் நகர்த்தன விநாயகர், அய்யனார் கோவில் தெரு வழித்துணை விநாயகர், தெற்கு தெரு யாகசாலை விநாயகர், ஆற்றங்கரை சித்தி விநாயகர், ரயில்வே குடியிருப்பு செல்வ விநாயகர், கடலுார் ரோடு விஜய விநாயகர், பெரியார் நகர் வினைதீர்த்த சித்தி விநாயகர் கோவில்களில் சிறப்பு வழிபாடு நடந்தது. ஏராளமானோர் தரிசனம் செய்தனர்.