புதுச்சேரி: இரும்பை ஸ்ரீ பாலா திரிபுரசுந்தரி கோவிலில் நவராத்திரி விழாவை முன்னிட்டு அம்மன் முத்தங்கி அலங்காரத்தில் பக்தர்களுக்கு அருள் பாலித்தார்.

புதுச்சேரி- திண்டிவனம் சாலை, இரும்பை குபேர் நகரில் அமைந்துள்ள ஸ்ரீ பாலா திரிபுரசுந்தரி அம்பாள் கோவிலில் சாரதா நவராத்திரி விழா துவங்கி நடந்து வருகிறது. நேற்று 6ம் நாள் விழாவில், காலை 10.00 மணிக்கு அம்பாளுக்கு சிறப்பு அபிஷேகமும், மாலை 6.30 மணிக்கு அம்மன் முத்தங்கி அலங்காரத்தில் சிறப்பு தீபாராதனை நடந்தது. தொடர்ந்து பரதநாட்டியம் நடந்தது. 21ம் தேதி மாலை 6:00 மணிக்கு அம்பாளுக்கு மகா சாந்தி அபிேஷகமும், 22ம் தேதி மாலை 6.00 மணிக்கு அம்பாளுக்கு ஊஞ்சல் உற்சவம் நடக்கிறது.