அன்னூர்: மொண்டிபாளையம், வெங்கடேச பெருமாள் கோவிலில், புரட்டாசி ஆறாவது சனிக்கிழமை திருவிழா நடந்தது.

மேலைத் திருப்பதி என்று அழைக்கப்படும் பிரசித்தி பெற்ற மொண்டிபாளையம், வெங்கடேச பெருமாள் கோவிலில், புரட்டாசி ஆறாவது சனிக்கிழமை திருவிழா நேற்று நடந்தது. அதிகாலை 5:00 மணிக்கு, ஸ்ரீதேவி பூதேவி சமேதர வெங்கடேச பெருமாளுக்கு மகா அபிஷேகமும், திருமஞ்சனமும் நடந்தது. காலை முதல், மதியம் வரை, பசூர் மற்றும் பகத்தூர் குழுவின் பஜனை நடனத்துடன் நடந்தது. அன்னதானம் வழங்கப்பட்டது. இரவு 8:00 மணிக்கு கருட வாகனத்தில் சுவாமி திருவீதி உலா துவங்கி தேரோடும் வீதியில் நடந்தது. பெருமாள் சிறப்பு அலங்காரத்தில் அருள் பாலித்தார். கோவை, திருப்பூர், ஈரோடு மாவட்டங்களைச் சேர்ந்த பல ஆயிரம் பக்தர்கள் பங்கேற்றனர்.